Azmoder
30 Aprel 2024
AZMODER nümayəndələri 30.04.2024 tarixində Gazi Universitetində görüş keçirərək dərnəyimizin fəaliyyəti, azərbaycanlı tələbələrin ehtiyacları və mümkün əməkdaşlıq istiqamətləri barədə müzakirələr aparıblar.
30 aprel 2024-cü il tarixində Azərbaycanlı Tələbələr və Məzunlar Dərnəyinin nümayəndələri Gazi Universitetini ziyarət ediblər.
Ziyarət çərçivəsində Gazi Universitetinin prorektoru ilə görüş keçirilmiş, dərnəyimizin fəaliyyəti və Türkiyədə təhsil alan azərbaycanlı tələbələrlə bağlı gördüyümüz işlər haqqında məlumat verilmişdir.
Görüş zamanı azərbaycanlı tələbələrin universitet həyatına adaptasiyası, akademik və sosial ehtiyacları, tələbələrin doğru məlumatlandırılması, universitet daxilində tələbə əlaqələrinin gücləndirilməsi və gələcəkdə həyata keçirilə biləcək mümkün əməkdaşlıq istiqamətləri barədə fikir mübadiləsi aparılmışdır.
Gazi Universiteti kimi Türkiyənin köklü ali təhsil müəssisələrindən biri ilə qurulan bu əlaqə, dərnəyimizin tələbələrə daha yaxından dəstək göstərməsi və universitetlərlə əməkdaşlıq imkanlarını genişləndirməsi baxımından bizim üçün dəyərli olmuşdur.
AZMODER olaraq səmimi qəbula, göstərilən diqqətə və faydalı müzakirəyə görə Gazi Universiteti rəhbərliyinə təşəkkürümüzü bildiririk.