YÖK Okul Tanıma və Diplom Dənkliyi Almaq 

​​

Xatırladırıq ki, burada təqdim olunan məlumatlar Yükseköğretimin rəsmi internet səhifəsindən götürülüb və paylaşılır. YÖK, proses üçün dərnəyimizlə əməkdaşlıq etmir. Əgər hər hansı bir məlumatda uyğunsuzluq və ya ziddiyyət varsa, YÖK rəsmi internet səhifəsi (https://denklik.yok.gov.tr/) kanallına əsaslanmağınızı tövsiyə edirik      ​​

​​

Tanınma – xarici dövlətdə əldə edilmiş kvalifikasiyanın tanınması deməkdir. Bu, şəxsin həmin kvalifikasiyaya Türkiyə Respublikası ərazisində ekvivalent (bərabərhüquqlu) hesab edilən kvalifikasiya üzrə təhsilini Türkiyədəki ali təhsil müəssisələrindən birində davam etdirməsi və ya həmin kvalifikasiya üzrə əmək fəaliyyəti ilə məşğul olmaq hüququ qazanması anlamına gəlir.

Bu proses Türkiyədə "Denklik alma süreci" adlanır və bu səlahiyyət Yükseköğretim Kurulu (YÖK) nəzdindəki "Denklik və Tanınma Daire Başkanlığı" bölməsi tərəfindən həyata keçirilir. Qeyd edək ki, tanınma və dənklik tez tez qarışdırılsa da bir-birindən fərqli prosedurlardır.​

​

OKUL TANIMA

​

"Okul Tanıma Belgesi" – Türkiyədə magistr və doktorantura təhsili almaq istəyən namizədlərdən bəzi universitetlər tərəfindən tələb edilən sənəddir. Bəzi universitetlər bu sənədi tələb etmədən özləri sistem üzərindən əldə etsələr də, əksəriyyəti bu sənədi qəbul üçün vacib hesab edir.

Bu sənəd ali təhsil müəssisəsinin Türkiyə Respublikası tərəfindən tanınıb-tanınmadığını göstərir.
Tələb olunan sənədlər: Pasport və universitetin ingilis dilində adı.

Hollandiya universitetləri üçün universitetlə bərabər fakültənizi də yazmalısınız.

​

Qeyd: Dərnəyimizin ilətişim kanallarına müraciət etdiyinizdə heç bir məbləğ ödəmədən sənədi əldə edə bilərsiz. 

​

Sənədin alınması:

a) Türkiyədə yaşayan şəxslər bu sənədi e-Devlet platforması üzərindən dərhal və pulsuz şəkildə əldə edə bilərlər.
b) E-Devletə daxil ola bilməyən şəxslər isə YÖK-ə şəxsi müraciət və ya poçt vasitəsilə baş vurararaq bu sənədi pulsuz şəkildə əldə edə bilərlər. Fiziki müraciətlərdə, YÖK-dəki sıxlığa görə sənəd eyni gün və ya ertəsi gün təqdim olunur və ya e-mail vasitəsilə göndərilir.​​

​

DƏNKLİK​

​

Dənklik prosesi tez-tez tanınma ilə qarışdırılır, lakin bu tamamən fərqli və daha uzun bir prosedurdur. Dənklik – xarici ölkədə alınmış diplomun Türkiyədəki uyğun diplom və ixtisasa uyğunluğunun yoxlanmasıdır. Prosedur müddəti müəyyən deyil – 3 aydan 10 ilə qədər davam edə bilər.

Bu müddət bir neçə faktordan – ölkə, universitet, fənlər, Türkiyə Respublikasının ehtiyacları və digər kriteriyalardan asılı olaraq dəyişir.

Bakalavr Diplomunun Dənkliyi üçün Tələb Olunan Sənədlər (hər il dəyişə bilər):

1. Pasportun tərcüməsi (Əgər tərcümə Türkiyədən kənarda noterdə edilibsə, mütləq Türkiyə Səfirliyinin əlaqədar bölməsinin təsdiqi tələb olunur)

2. İkamet/Oturum izni və YKN/TC nömrəsi

3. Diplomun əsli və noterdə türk dilinə tərcüməsi (Eyni qeyd burada da keçərlidir)

4. Transkript və ya diplom əlavəsinin əsli və noterdə türk dilinə tərcüməsi

5. Əgər Mevlana, Erasmus kimi dəyişmə proqramlarında iştirak edilibsə, oxunan universitetdən möhürlü və imzalı transkript və onun tərcüməsi

6. Ödəniş qəbzi – 2025-ci il üçün 1000 TL. 

7. Hesab Nömrəsi 

     YÖK Strateji Geliştirme Daire Başkanlığı

       Ziraat Bankası

      Hesap Numarası: 5386419-5057

      IBAN: TR4500 0100 1745 0538 6419 5057

    8. Rıza bəyanı (YÖK-ün rəsmi saytından yüklənərək doldurulur)

    9. Başvuru formu (Sistem üzərindən başvuru tamamlandıqdan sonra təqdim olunur)

  10. YÖK ehtiyac duyduğu halda əlavə sənədlər tələb edə bilər.

​

Dənklik Prosedurunun Gedişatı

1. Sənədlərin YÖK-ə təqdim edilməsi: Bu, şəxsən və ya notarial qaydada verilmiş etibarnamə ilə baş tuta bilər. Diplomun əsli və islak imzalı versiyası təqdim olunmalı, bütün sənədlər skan olunaraq geri qaytarılır. Heç bir sənədiniz YÖK-də qalmır.

2. Sənədlərin doğruluğunun yoxlanılması: YÖK diplomun verildiyi universitetə sorğunu Türkiyədəki həmin ölkənin səfirliyindəki Təhsil Müşavirliyi vasitəsilə göndərir.

3. Dəyərləndirmə: Səfirlikdən gələn məlumatlar alt komissiya tərəfindən incələnir və əlaqədar fakültələrin professorlarından ibarət komissiya qərar verir.

4. Qərar: YÖK beş fərqli qərar verə bilər:
   a) Dənklik verilməsi
   b) Dənklik rədd edilir
   c) Staj edildikdən sonra dənklik verilir
   d) İmtahan verildikdən sonra dənklik verilir
   e) Türkiyədə bəzi dərslər alındıqdan sonra dənklik verilir
   f) C, D və E variantlarının ikisi və ya hər üçü birlikdə tələb edilə bilər.

​

Nümunələr:
– Tibb fakültəsini bitirənlərə imtahan və staj;
– Hüquq fakültəsi məzununa 16 dərs;
– Psixologiya məzununa 5 dərs;
– Eczacılıq məzununa dərs, imtahan və staj tələb oluna bilər.

​

Hətta Xəzər Universitetindən məzun olan tələbəyə 1 dərs; Bakı Dövlət Universiteti eyni fakültə məzununa 5, hətta 6 dərs tələb olunduğu hallar olmuşdur. Misal olaraq qeyd edək ki, 2020-ci ildə X fakültədən imtahan tələb olunsa da, 2025-ci ildə eyni fakültə heç bir tələb irəli sürməyə də bilər.

​

Dənklik Nə Zamana Çıxır?

Bu prosesin hüquqi olaraq maksimum müddəti yoxdur. Araşdırmalarımız göstərir ki, Azərbaycan universitetlərindən diplomla müraciət edənlər üçün müddət belə ola bilər:

• Sənədlərin yoxlanması və səfirlikdən cavabın gəlməsi: 3-4 ay

• Komissiyanın qərar verməsi: təxminən 3 ay

• Əgər imtahan, staj və s. tələb olunarsa, yerinə yetirildikdən sonra qərar: təxminən 45 gün

• Dənklik sənədinin hazırlanması: 15-30 gün

Ümumi müddət: təxminən 8-9 ay

​

Tövsiyələr

YÖK – Türkiyə Respublikasında ən ciddi prosedurları tətbiq edən qurumlardan biridir. Bəzən bu ciddiyyət orada çalışan məmurlarda sərt ünsiyyət forması ilə də müşahidə olunur amma müşahidələrimizə görə bu sərtliyin bir səbəbi də daha öncə müraciət edən vətəndaşların yaratdığı haqsız tələblərində təkidi də ola bilir. Bəzən göz yaşlarının axdığı vəziyyətlərə də şahid ola bilirsiniz. Odur ki, bu cür vəziyyətlərdə qarşıdakı məmurların da bir insan olduğunu düşünərək daha səbrli olmanız məsləhət görülür. Dənklik gecikmələri daha çox universitet və səfirlik arasında yazışmaların gecikməsindən yarana bilər. Yüksək statusa malik bir qurum olduğu üçün qərarların ləğvi yalnız məhkəmə yolu ilə mümkündür.

Prosedurlar çətin görünsə də, əslində sizdən yerinə yetirilməsi mümkünsüz olan heç bir tələb irəli sürülmür.