2026 Yay Dövrü üçün Türkiyədə Açıq Qalacaq Növbətçi Yataqxanalar

     Türkiyədə yay aylarında universitetlərin böyük hissəsində dərslər başa çatsa da, bir çox tələbə müxtəlif səbəblərlə şəhərdə qalmaq məcburiyyətində olur. Xüsusilə yaz okulu alan, məcburi və ya könüllü staj keçən, imtahana hazırlaşan, universitet tərəfindən tələb olunan kurs və təhsil fəaliyyətlərində iştirak edən tələbələr üçün yaşayış məsələsi yay dövründə ciddi problemə çevrilə bilər.

Bu səbəbdən Kredi ve Yurtlar Genel Müdürlüğü tərəfindən yay aylarında müəyyən KYK yataqxanaları “növbətçi yataqxana” olaraq açıq saxlanılır. Bu yataqxanalar, yay dövründə təhsil fəaliyyəti səbəbi ilə Türkiyənin müxtəlif şəhərlərində qalmalı olan tələbələr üçün nəzərdə tutulmuş mühüm bir imkandır. Xatırladaq ki, bu yurtlar çox ucuz qiymətə verilir (1000 Tl ətrafında). Yemək qiymətə daxil olmasa da yataqxananın içində verilən yemək çox ucuz qiymətədir.

​

     Növbətçi yataqxanalar kimlər üçün faydalıdır?

  Bu imkandan əsasən aşağıdakı tələbələr yararlana bilər:

• Yaz okulu alan tələbələr;

• Məcburi və ya könüllü staj keçən tələbələr;

• Universitet, fakültə və ya bölüm tərəfindən tələb olunan kurs və təhsil fəaliyyətlərində iştirak edən tələbələr;

• İmtahan, laboratoriya, layihə, tez və ya digər akademik səbəblərlə yay aylarında şəhərdə qalmalı olan tələbələr;

• Ulusal Staj Programı çərçivəsində staj keçən tələbələr.

​

     Niyə tələbələr bu imkana müraciət etməlidir?

  Yay aylarında qısa müddətli ev tapmaq çox vaxt çətin və bahalı olur. Bir çox ev sahibi 1-2 aylıq kirayə vermək istəmir, otel və gündəlik kirayə evlər isə tələbə büdcəsi üçün uyğun olmaya bilər. Bu baxımdan növbətçi KYK yataqxanaları tələbələr üçün daha əlçatan, nizamlı və təhlükəsiz yaşayış imkanı yaradır.

Bu imkan xüsusilə başqa şəhərdə staj keçən və ya yaz okuluna qalan tələbələr üçün vacibdir. Çünki tələbə həm yerləşmə problemini daha sistemli şəkildə həll edə bilir, həm də qısa müddət üçün yüksək kirayə xərcləri ilə qarşılaşmaqdan yayınır.

​

     Müraciət zamanı nələrə diqqət edilməlidir?

  Növbətçi yataqxanalarda qalmaq istəyən tələbələrin yay dövründə hansı səbəblə yataqxanada qalmaq istədiklərini sənədlə təsdiqləmələri lazımdır. Məsələn, yaz okulu qeydiyyatı, staj sənədi, imtahan/kurs sənədi və ya universitet tərəfindən verilmiş digər rəsmi sənəd tələb oluna bilər.

  Tələbələrə tövsiyə edirik ki, qalmaq istədikləri şəhərdəki Kredi ve Yurtlar İl Müdürlüğü və ya müvafiq yataqxana müdürlüğü ilə əvvəlcədən əlaqə saxlasınlar. Yerlərin vəziyyəti, qəbul qaydası, tələb olunan sənədlər və ödəniş məsələləri barədə məlumatı birbaşa rəsmi qurumlardan dəqiqləşdirmək daha doğru olacaqdır.

​

     Vacib qeyd

  Növbətçi yataqxanalar yay aylarında bütün tələbələr üçün ümumi turistik və ya sərbəst qalma imkanı kimi nəzərdə tutulmur. Bu imkan əsasən yaz okulu, staj, imtahan, kurs və digər təhsil fəaliyyəti səbəbi ilə qalmağa ehtiyacı olan tələbələr üçündür. Boş yer vəziyyətinə görə müraciətlər dəyərləndirilə bilər.

Aşağıda 2026 yay dövründə Türkiyədə açıq qalacaq növbətçi yataqxanaların siyahısını təqdim edirik.

​

     2026 Yay Dövrü Növbətçi Yataqxanalar Siyahısı

Listənin excell formatı üçün klikleyin